May 01, 2026
Friday
A fanu F Zodinpuii (21) damlo ZMC&H, Falkawna awmpuitu F Lalfakzuala, Hnahthial Electric Veng chu nimin (30.4.2026) tlai atanga chin hriat loa a bo hnuah dam taka hmuh a ni.
Bengvarna thudawn danin, F Lalfakzuala hi vawiin (1.4.2026) chawhnu dar 1:30 vel khan Maubawk leh Lawipu inkar, chenna in awm lohna lai kawng sirah hmuh a ni. Central YMA leh Maubawk Branch YMA hruaitute’n buaipuiin, CYMA office-ah an hruai.
A thawmhnaw leh amah a berh vek avangin, thawmhnaw ngaihtuah sakin, an thlak sak a ni. Chhimphei YMA hruaitute leh amah ngaihvena Muallungthua kal Hnahthial Electric Veng YMA hruaitute baka a chhungte’n CYMA office atangin Hnahthial an panpui.
Tarlan tawh angin, F Lalfakzuala’n ZMC&H a damlohna avanga a awmpui a fanu F Zodinpuii chu tukin dar 12:30 khan a thi. Ruahman dan chuan vawiin tlai dar 3 a vui tur a ni a, a pa an hmuh leh tak si avangin a vui hun an sawn rin a ni.
