Dec 11, 2025
Thursday
Nimin (10.12.2025) a an lui kal tur chin hriat loa bo Lallianmawia (22) s/o Lalthlamuana, Electric Veng, Hnahthial chu hmuh a ni tawh.
Ama sawi danin, a pate penna a bo avangin luite a zawh a, Tuiphai mawnglam zawhin Thingsai lui kama riakte a fin. Lui kamah hian chawte ei vein, a riak nghal. Tukthuan eikhamah a haw chho leh a ni.
Mibo zawngtute chuan Lallianmawia hi Tuiphai lei kaiah vawiin chhun khan an lo hmu a ni.
Tarlan tawh angin, Lallianmawia hi a pa leh midang paruk vel nen ramah hian an kal a, a inchhuih palh avangin a hnung berah a kalzui a ni. Main road atanga km. 1 vela an kal hnu, chawhma dar 10 velah a awmna chin a kalpuiten an hre zui lo.
