Ni 1.12.2025 aṭanga chin hriat loha bo Marina Lalchhanchhuahi (26), Tanhril chu nimin (13.12.2025) tlai dar 5 vel khan Mizoram University Field thlang ramhnuaiah thi-a hmuh a ni.

Marina-i thih chhan hi hriat chian a la ni lo a, a bialpa chu Police-in thu zawhfiah atan an la nghal ni-a thu dawn a ni. A ruang hi a chhe tawh hle. Police leh Forensic lamin thil tul hrang hrang an buaipui a, vawiinah postmortem a ni ang.

Tarlan tawh angin, Marina-i ni 1.12.2025 chawhma dar 11 vel khan an in aṭangin Ramrikawn-a kal turin a chhuak a, tlai dar 5 velah Tanhril Vengthar-ah Auto Rickshaw-a a chuang lai hmuh a ni leh a, hemi hnu hian a chin hriat zui a ni ta lo a ni.