News

Vawiin (14.5.2026) tlai dar 1:30 vel khan Lalbiakthara (15) s/o Lalbiakmawia, Biate khua, class VII zirlai chu Tuipuiah chesualin, a thi. Midang nunna chhan a tumna lamah a thi.

Lenkawl tarlan danin, vawiin hian Govt Middle School, Biate chu Biate leh Khawbung inkar Tuipui luiah an kal a, chawhnu dar 1:30 vela chhaw chhun fak turin ruahmanna an siam.

Tiffin-a chaw ei aiin hnah phaha ei tha zawka an hriat vangin, Lalbiakthara chuan ‘Hnah chu kan la a nge,” tiin chem nen a kal a ni,

Lui kama hnah la tura a kal chu an tuichenna bul lui dung a kal mek laiin hmeichhe mangang au thawm a hria a, an en chuan hmeichhe naupang pakhat hi a lo tal buai mek chu a hmu a, rang takin tuipuiah chuan a tlan lut nghal a ni.

Hmeichhe naupang tui tla tur chu a chhan chhuahna lamah Lalbiakthara hian nunna a chan ta a ni.

Lalbiakthara hi dar 1:30 velah a che sual chu tlai dar 3:30 velah ah a ruang hi lak chhuah a ni ta a ni.