Aug 16, 2026
Sunday
India rampuma Ruihhlo do beihpui thlakna kalmek Nasha Mukt Bharat Abhiyan hnuaia Lawngtlai District-a beihpui thlakna peng pakhat, Drug Free Village hriatpuina chu nimin (15.8.2026) khan Lawngtlaia Independence lawmnah, Minister of State B Lalchhanzova’n a hlan.
Minister hian khua/veng 12 hruaitute hnenah an khua/veng ruihhlo laka fihlima anmahni an inpuan hriatpuina a hlan a ni. Lawngtlai Bawrhsap kaihhruaina hnuaiah Lawngtlai District-a khaw 187 te chu ruihhlo a an fihlim theih nan hmalakna kalpui niin, he beihpui thlakna hi April 10, 2026 khan LADC Chief Executive Member C.Lalsawmzuala chuan hawngin, ruahmanna siam lawk angin kumina Independence Day lawmnaah ruihhlo laka fihlima inpuangte hnenah hriatpuina hi hlan a ni.
Ruihhlo laka fihlum nia inchhal khua/veng te chu : Sangau II, Sentetfiang, Tuithumhnar, Hmawngbu, Rulkual, Kamalanagar- I, Kamalanagar -II, Kamalanagar-III, M. Kawnpui Bungtlang ‘S’-I, Hmunnuam leh Cheural te an ni.
