Minister-te an thawkrim &#8211; Lalduhoma

Vawiin (29.6.2026) hian ZPM chuan an office-ah chhung inkhawm an hmang a, thusawitu Chief Minister Lalduhoma chuan minister-te an thawhrim thu a sawi.

Chief Minister chuan term chanve an lo sorkar tih sawiin, “Mi tam tak ngaihdanah chuan minister-te hna chanpual thlakthlengna lian tak thleng turah kan ngai. Kan minister-te an thawkrim a, an department chante an bel dawn chauh a, tun dinhmunah chuan major reshuffle hi ngai kan ti lo. Hetih lai hian central atanga thiltih ngai ang chite leh department inhne rem deuh tur te chu tih danglam zeuh zeuh kan nei thung. Minor reshuffle hi vawi 10 dawn lai kan lo nei ve tawh a, a boruak azir zelin kalpui chhoh a ni ang,” a ti.

Kum tam tak chhung an policy-te an lo vahvaihpui tawh tih sawiin Lalduhoma chuan, “Party mite thawhrimna leh mipuite avanga sorkar kan ni. Party mite chuan theihtawp chhuah a, sawrkar tuma hmalak kha an tih thur reng a nih laiin; Mizoram mipui nawlpuiin min duhsak a, min tawngtaipui a, an duhsakna min hlan vanga sawrkar kan ni hi kan theihnghilh tur a ni lo,” tiin an party hmingah pawh people’s movement an nih angin, mipui nawlpui pen rual zela kal tur an nih thu a sawi.