News

Mizoram State AIDS Control Society (MSACS) chuan mipa an mipat puite nena mipat hmeichhiatna hmang thin, Man having sex with men (MSM) mi 1,105 an enkawl mek.

MSACS hotute chuan MSM hi kumtin an pun zel thu an sawi a, “Heng mite hi HIV/AIDS kaina chance nei sang bik an nih avangin hmuh chhuah loh an hlauhawm. Chutihrualin, rawn in register duh lo an tam. Nupui nei tho, mipa kawpte an ni a, hengte hi mi hriat an hlau a, an inthupkhawp mai. Kan hriatreng pawh an rawn in register loh chuan kan enkawl zingah an tel lo,” a ti.

Thingtlang lamah pawh MSM hi an awm zel thu sawiin MSACS hotute chuan, “Chutihlaiin kan register thenkhat hi chu phai lama awm, Mizorama rawn haw leh thinte an ni. Chuvangin, tun dinhmunah mi 1,105 hi Mizoramah an awm tihna a ni lo. In register duh lo, MSM nisi hi in register ai chuan an tlem deuh zawk ang,” tiin an in register duh miau loh chuan tihluih theih an nih loh thu an sawi.