News

Directorate of Health Services-a Controlling & Licensing Authority F Lalliantluanga, Controlling & Licensing Authority chuan damdawi dawr khar a nih chungchangah thuchhuah siamin, mipuite chia lo turin a chah.

Controlling & Licensing Authority chuan All India Organisation of Chemists & Druggists (AIOCD) chuan May 20, 2026 hian rampum huapin online pharmacy dodal nan leh India rama e-pharmacy pawm a nih loh nan damdawi dawr zawng zawng kharin bandh a huaihawt dawn tih tarlangin, “Mizorama damdawi zuarte pawhin he bandh hi zawm ve an tum a ni. Sawrkar leh private hospital pharmacy-te hawn a nih dawn avangin hengahte hian mamawh a lam theih reng dawn,” tiin damdawi dawr khar avanga buaina awm thei pumpelh nana hriatturte a tarlang.

1.Natna benvawn zunthlum, thisen sang, asthma, cancer, etc. nei chuan bandh hma ngeiin mahni damdawi mamawh lo inlam lawk ni se.

2.Emergency-a mamawh theih insulin, inhalers, life-saving drugs leh naupang damdawi mamawh lo ngaihtuah lawk ni bawk se.

3.Nikhat chauh khar a nih dawn avangin mamawh tawk bak a chuang aliamin eng damdawi mah lei khawl loh ni se.

4.Accident leh rikrum thil dang thleng a awmin, hospital hnai ber biak pawh thuai ni se.

5.Damdawi zuarte pawh dawr kharin bandh zawm mah se, emergency thila damdawi mamawh a awmin dawr hawnsak hram hram tura ngen leh beisei an ni.

6.Bandh zawm avangin damlo nen emaw, FDA official-te nen emaw inep zawnga kal loh hram hram ni se.

7.FDA Officer-ten an bial enkawl chhungah bandh avanga damdawi mamawh hmuh zawh loh a awm loh nan hma an la vek tur a ni bawk ang.