Miss Chapchar Kut thlanfel a ni ta

Diktawn Monthly Magazine bul tuma kum tina thlan thin Miss Chapchar Kut 2026 chu thlan fel a ni leh ta.

Miss Chapchar Kut 2026 thlanna hi Chapchar Kut ni March 13 atang khan tan niin, hemi hi hian top 20 leh top 10 te thlan chhuah an ni. Top 10 te chu March 17 khan Berawtlang Tourist Lodge-ah Interview neihpui leh niin nizan (19.3.2026) khan Vanapa Hall-ah result puan leh lawmman hlanna hun hman a ni.

Miss Chapchar Kut 2026 atan Tlangnuam nula Celestina Lalchhandami chu thlan a ni. Miss Chapchar Kût title nihna thar chelhtu Celestina Lalchhandami hi Miss Chapchar Kût nihna chelh mek tu, Amy Lalthasangi’n crowning-na hun a nei.

Hetiang hi runners up-te result a ni:

1st Runner up – Lalnunsangi, Republic Vengthlang

2nd Runner up – Malsawmtlaungi, Thuampui

3rd runner up-ah mi pahnih, Lalbiakzuali, Tanhril leh Hailey Vanlalremruati, Mission veng te an ni.

4th runner up-ah hian mi panga awmin, chungte chu:

Lalengmawii,Armed Veng South

Lallawmkimi, Durtlang

R. Lalmuanpuii, Tlangnuam

Sarah Laldinpuii, Tuikual North

Zarzokimi, Ramthar North te an ni.

Heng bakah hian category dang thlan chhuah a ni a, hetiang hi result a ni:

Pian nalh ber – Lalbiakzuali, Tanhril

Most Intelligent – Malsawmtluangi, Thuampui

Zo thuam inhmeh ber – Sarah Laldinpuii, Tuikual North

Miss Multimedia – Celestina Lalchhandami te an ni.

Miss Chapchar Kut hian lawmman atan pawisa fai Rs. 50,000/- dawngin, 1st Runner Up hian Rs. 20,000/- a dawng a, 3rd Runner up te hian Rs. 12,000/- dawngin, 4th Runner up te hian Rs. 10,000/- theuh an dawng. Heng bakah hian Miss Chapchar Kut top 10 te hian lawmma atan citation, photo frame leh thilpek dang an dawng a ni.