Miss Universe Mizoram Docu-Series tlangzarh

Vawiin (August 8, 2026) chawhnu dar 1:00 khan I&PR Auditorium-ah Minister Lalrinpuii’n Miss Universe Mizoram Docu-Series a tlangzarh.

Miss Universe Mizoram Docu-Series hi kan state aiawh tura contestant-te’n inelna an neihte leh an hun hman dan chikim a tarlanna series a ni. Nula hmelṭha leh fing tak takte chetlalai, Lunglei khawpui hmun hrang hranga hun an hmanna a hmuh theih dawn.

He Docu-Series hi nakin zela beauty pageant lama la tel duhte tan, engtin
nge state level-ah inelna an neih ṭhin te, national level atan eng anga inbuatsaih tur nge tih te inzirna atan a ṭangkai hle dawn nia tarlan a ni.

Tin, mipui nawlpui tan pawh entertainment hmuhnawm tak ni tura buatsaih a ni.

Docu-Series aṭanga revenue hmuhte hi tun ṭum chauh ni lo, Mizo Beauty Pageant khawvel intunnun zelna atana hman theih tura ruahman a ni a, state aiawha kal ṭhinte kumtin a bul aṭanga fund raising tih ṭhat reng ngai lo a, mumal taka beauty pageant a kal zel theihna atana ruahman a ni.

Episode 1 hi Siar Management YouTube Channel-ah a duh apiang tan a thlawna en theih turin zanin dar 7 hian premier a ni ang a, episode dang erawh Rs. 299/- chawiin, Siar Management YouTube Channel member-a in ziak lutin a en theih dawn a ni.