News

Mizo Dispora Cell, Chief Minister Office chuan Middle East buai chungchangah a hnuaia tarlan ang hian thuchhuah an siam.

1.Middle East ram thenkhata thil awmdan thlirin, ram eng emaw zat chuan van boruak khuahkhirh- NOTAM (closure of airspace) an puang a, hemi hian nasa takin thlawhna thlawk a tikhaihlak a ni. Ministry of Civil Aviation thuchhuah hnuhnung ber angin Iran, Israel, Lebanon, Saudi Arabia, Bahrain, Oman, Iraq, Jordan, Kuwait, UAE leh Qatar-te nena thlawhna hmanga inkalpawhna chu March 2, 2026 thleng khar a ni.

2.Hetianga thlawhna tihtawp rih a nih avang hian, Middle East ram thenkhat, a bikin UAE (Dubai)-ah hian mipui tangkhang tam tak an awm mek a, an zingah Mizo engemaw zat an awm bawk tih hriat a ni.

3.Mizo mipui Middle East ram lama tangkhang emaw tanpui ngaite emaw tan a hnuaia number tarlan Indian Embassy/Consulate emaw Mizo Diaspora Cell-te emaw biakpawh theih a ni e.

4.Heng buaina huam china awmte chuan passport leh visa copy, document pawimawh-te photocopy/soft copy neih that a, original a bo palh pawh a backup copy kawlthatte, phone number pawimawh bik mahni emergency contact-te chhinchhiah a, ziahchhuahte hi a tangkai hle awm e.

5.Middle East a awm mek Mizo mipuite chi ai mai lova sorkar thu ngaichang tur leh zawm tura ngen kan ni a, kan awmna rama Indian Embassy/Consulate-te thuchhuah ngaichang tur leh awlsam zawka Mizoram sorkar nen chanchin inhriatpawh theihna turin Mizo DiasporaHub-a in register theuh turin kan inhriattir e.

6.Hon’ble Chief Minister enpuina hnuaiah, Mizo Diaspora Cell chuan Middle East rama awm mek Mizo mipuite dinhmun a ngaihven reng a, an dinhmun thlithlai (monitor) chungin hriattur tul apiang inhriattir zel a ni ang.