Feb 14, 2026
Saturday
Nimin (13.2.2026) Mizoram Chief Secretary Khilli Ram Meena chuan Maharashtra Chief Secretary Rajesh Aggarwal chu Mumbai-a a pisaah tlawhin, Navi Mumbai (Vashi) hmuna sak tur Mizoram House chungchang a sawipui.
Kum 2008 khan Mumbai a City and Industrial Development Corporation (CIDCO) chuan Vashi, Mumbai-ah hian ram sqm. 1983.48 zet chu Mizoram State Guest House cum Emporium atan hmun a lo ruahman tawh a ni. Nimahsela a sak hna hi, CIDCO leh construction agency-te kara rokhawlhna eng eng emaw avangin eng emaw chen tihkhawtlai a ni ta a ni.
CS pahnih inkawmnaah hian Khilli Ram Meena chuan Maharashtra CS hnenah hian sak tan hun chu March 31, 2026 thlenga hrethiam hram tur leh sak hna khawtlai avanga chawi tur chu ngaihtuah thatsak turin a ngen. Rajesh Aggarwal chuan hemi thuah vek hian CIDCO hotute hi a be nghal a ni.
Khilli Ram Meena chuan Mizoram House sakna hmun tur hi tlawh nghalin, Mumbai Mizoram Dy. Resident Commissioner H. Lalruatliana’n a tawiawm a ni.
