Mizoram Sawrkarin inremna ziahpui

Vawiin (7.9.2026) hian CM Conference Hall-ah Chief Minister Lalduhoma leh Adviser to CM (Finance & Planning) TBC Lalvenchhungate hriatpuiin Finance Department leh Mizorama bank pariatte chuan One Department One Bank kalpuina tur inremna an ziak.

Chief Minister chuan thu sawiin, Comptroller & Auditor General of India Audit report-ah sorkar sum tam tak hi DDO te account-ah Finance Department hriatpui lo va dah a nih thin thu a lang thin tih sawiin, “Chung account-a sum dah (park) te chanchin hriat tum chuan Finance Department hian department-te a zawt thin. A duh ang taka a hriat zung zung theih loh changte a awm thin. Chutiang harsatnate kan tihbo a, tha zawka sum endik hna kan thawh theih nan One Department One Bank hi kalpui kan tum a ni,” a ti.

One Department One Bank kalpui tura sorkarin inremna a ziahpui bank-te chu:

State Bank of India

Mizoram Cooperative Apex Bank

Mizoram Rural Bank

Axis Bank

HDFC Bank

ICICI Bank

Union Bank of India

Indian Overseas Bank

Heng bank pariatte thawhpui tur hi Mizoram sorkar chuan Department pariat a thlang chhuak tawh a, chungte chu PWD, PHE, P&E, GAD including all DCs, UD & PA, RD & AD, H&FW leh IFSL te an ni. Bank leh fepartment indawr tur bik hi tihfel a la ni lo a, tihfel thuai a ni ang. Scheme thenkhat sum kalpui dan (SOP) neisa an awm a, chung scheme-te chu ODOB hnuaia kalpui remchang lo a awm bawk ang.