Mizoram sum hmuh a pung dawn

Vawiin (1.2.2026) a Union Finance Minister Nirmala Sitharaman in Union Budget 2026-2027 a pharh ruala 16th Finance Commission report a pharh atanga a lan danin, Mizoram sum hmuh a pung dawn.

Sorkar kum kal mek 2025-2026-ah hian 15th Finance Commission report angin state-te’n sum an la hmu a, 2026-2027 atng chuan 16th Finance Commission report angin kum 2030-2031 thleng state-te’n sum an hmu tawh dawn.

15th FC hun chhung chuan Mizoramin sum a hmuhna hnar lian ber central-a chhiah tlingkhawm atangin Mizoram 0.50% a chang a, 16th FC hun chhung chuan 0.564% a chang tawh dawn.

Kumtina Mizoram sum hmuh a punna tur chu cheng vbc 1,500 ang vela chhut a ni. 15th FC-ah chuan central-a chhiah tlingkhawm Rs. 1,00,000 zelah Mizoramin Rs. 205 a chang a, 16th FC-ah chuan Rs. 1,00,000 zelah Rs 231.24 a chang tawh dawn.

Hmarchhak state zingah Mizoram leh Assam chiah 15th FC aia 16th FC-ah central-a chhiah tlingkhawm chang tam tur an awm a, a bak zawng chuan 15th FC aiin an chang tlem dawn.

Hetihlai hian central-a chhiah tlingkhawm state leh central-in a insem dan tur chu a pangngaiin a kal dawn. Central-in 59% changin, state-in 41% a chang leh ang.