Mizoramah Congress thli a tleh &#8211; C Ngunlianchunga

Nimin (13.2.2026) khan kum 2026 atana inhlan tharna leh mithar lawmluhna inkhawm, Congress Bhavan, Champhaiah neih a ni a, he hun hi MPCC Vice President C. Ngunlianchunga, MLA chuan an party-ah mi 39 a lawmlut.

C. Ngunlianchunga chuan Mizoram hmun hrang hrangah Congress Party zawmtu nasa takin an pung nia sawiin, “Congress Party a sorkar lehna turin chhim lam atangin thli a tleh thin. Tunah chuan MDC pakhat atangin mi 8 kan nei leh tawh a, Lawngtlai District-ah phei chuan MLA bial hnih lak ngei beisei a ni tawh. Chhim lamah chauh ni lo, Mizoramah Congress thli a tleh a, Champhaiah mi 39 in Congress Party an zawm a, Aizawlah pawh enchhin chak thalai rualin Congress an zawm thar nasa hle a ni,” a ti.

MPCC Vice President chuan ZPM hna ber chu insawifiah a nih thu sawiin, “Lengpui ram hralh chungchangah danpal zut vangin danglam bik tura in zuar an lo danglam loh vangin ZPM leh MNF an in kawk mek. Pu Lalduhoma hi Mizoram Chief Minister tura hriak thih nimah se, Mizoram hruaitu lu ber Chief Minister tur dang hriak thih an awm tawh,” tiin Lalduhoma hriak thihtuin Lal Saula Israel lal a nih laia midang hriak a thiha a kalsan zui angin a kalsan mek niin a sawi.