Mizoramin special award a dawng

18th Urban Mobility India (UMI) 2025, November 7-9 2025 chhunga Gurugram, Haryana a neihah Mizoram Sorkar chu Mizoram Traffic Management System chungchangah special award a dawng.

Award hi Union Minister Manohar Lal leh Union Minister of State Tokhan Sahu, Ministry of Housing and Urban Affairs-ten Mizoram sorkar aiawha kal UD&PA Secretary Lalmalsawma Pachuau, UD&PA Director Jacob Lalawmpuia leh leh Town & Country Planning Officer-te hnenah an hlan a ni.

He award dawng tur hian Award Selection Committee-in presentation nei tura a hriattir angin, Town & Country Planning Wing chuan October 16, 2025 khan video presentation bakah power point presentation an pe.

Presentation-ah hian Mizoramah traffic rules tha taka zawm a nih dan te, mipuiin dawh thei taka traffic buai nuai nuai loa an tlan thin dan te, \ul lo ah horn hmehrik a nih ngai loh dan te, Coordination Committee on Traffic Management-te leh Aizawl chu Silent City tia sawi thin a nih thute tarlan a ni.

He presentation pek zulzui hian Award Selection Committee chuan Central Ministry-ah recommendation pein, Mizoram Sorkar aiawhin UDPA Department special award hi an dawng ta a ni.