MLA-in tuizem thahnem tak a sem

Serlui Bialtu MLA Lalrinsanga Ralte chuan a chhung khaw hrang hranga tui thianghlim dahkhawlna tur mamawhtu chhungkaw 500 te hnenah tuizem (sintex) sem tur vawiin (25.3.2026) hian Vairengte atangin a vai liam.

Serlui Bialtu MLA-in tuizem a sem tur hi phase hrang hrangah then niin 1st Phase-ah chhungkaw 360 te hnenah sem chhuah tawh a ni a, vawiina a vailiam hi 2nd Phase niin, chhungkaw 500 hnenah sem tur a ni. Tuizem hi litre 1,000 dawng vek a ni.

Lalrinsanga Ralte chuan tuizem sem a nih chhan chu a bial chhunga mi harsa zawkten, tui thianghlim leh hrisel zawk in tur an neih nan leh \hal tui harsat lai pawha tui thianghlim in tur an mamawhnate a phuhruk sak beiseina avang a nih thu a sawi.

MLA Fund chu a bial chhung khaw hrang hrang hmasawnna tur atan leh hmeithai, mi harsa zawk leh kut hnathawktute tan a tam thei ang bera hman a tum thu sawiin Lalrinsanga Ralte chuan, “Tuizem hi sem zel a ni dawn,” a ti.

Serlui bialtu MLA chuan a bial chu ramri depa awm an nih thu sawiin, “Mizoram hmel lanna pawimawh tak an nih vang leh hmasawnna hna nasa taka thawh ngaihna bial a nih vangin sorkar pawhin Serlui Bial hi ngai pawimawh se ka duh,” tiin a tih theih tam lo mah se, a tih theih a piang chu a theihna sang ber hlanin bial tan a tihzel tur thu a sawi.