Feb 16, 2026
Monday
Vawiin (16.2.2026) a MNF-in Aizawl Municipal Corporation (AMC) inthlan lo awm tura an candidate tur an puan zingah corporator ni lai pathum an tel a, Aizawl Mayor a tel lo thung.
MNF candidate tur zingah hian ward VII a ding tur Vanlalneia, ward IX a ding tur B Lalawmpuii leh ward XIII a ding tur Lalfakzuala Chenkualte hi corporator nilai an ni. B Lalawmpuii hi a tum khatna atan hmeichhe reserved seat atanga thlan tlin niin, inthlan hnuhnung berah an ward general ward nimah se, thlan tlin leh a ni. Tunah pawh an ward hi general tho niin, a ding leh dawn.
Hetihlai hian Aizawl Mayor nilai Lalrinenga Sailo chu a ding tawh dawn lo. An ward chu ward no. I niin, general seat la ni tho mah se, CL Biakhlua, Durtlang a ding dawn. Dy. Mayor R Thanglura pawh a ding tawh dawn loa, ani erawh an ward hmeichhe tana reserved a ni thung.
