Jan 06, 2026
Tuesday
Lai Autonomous District Council (LADC) a MNF leh ZPM MDC-te thawhhona Lairam Legislature Party atangin MNF chu an inhnukdawk.
MNF General Secretary R Rohmingliana chuan vawiin (6.1.2026) hian Governor hnenah lehkha thawnin, ZPM leh MNF-te’n LADC-a sorkarna siam turin Lairam Legislature Party an din thu tarlangin, “Mah se, political problem avangin MNF chu Lairam Legislature Party atangin vawiin atangin kan inhnukdawk,” a ti.
Tarlan tawh angin, MNF leh ZPM MDC thawhdunna Lairan Legislature Party hian sorkarna an siam theih thu Governor hnenah an lo thlen tawh a ni. CEM tur pawh thlan tawh niin, party pahnihin nihna an chelh dan turte pawh tihfel hman vek a ni tawh.
LADC inthlan hnuhnung ber khan MNF-in MDC 8, INC-in MDC 7, ZPM-in MDC 6 leh BJP-in MDC 2 an lak bakah, independent-in pahnih an tling. MDC 25 awmna LADC-ah hian sorkarna siam tur chuan MDC 13 tlin a ngai.
