MNF-in candidate tur an puang

MNF chuan vawiin (8.6.2026) hian Rajya Sabha MP inthlan lo awm tura an party candidate tur an office-ah an puang.

MNF-in Rajya Sabha MP inthlana an candidate tur chu Zothansangi Hmar, College Veng, Aizawl a ni. Zothansangi hi MNF Legal Board treasurer a ni mek.

Zothansangi Hmar chanchin tlangpui :

Zothansangi Hmar d/o Rualkhuma Hmar (L) hi zirna lamah B.A, (Political Science) LLB a ni. Ukil hna kum 2015 atangin a thawk tan a, MNF term hmasa khan Asst. Public Prosecutor a ruat a ni. Tunah Private Law Firm, Saihmingliana Sailo (MNF Legal Board member zing a mi) nen an din a, ukil hna a thawk mek.

Kum naupangte in, chanchinbu-ah ah ram leh hnam issue hrang hrang te auchhauhpui nan, Article engemawzat a lo ziak tawha, tunah pawh freelance/occasional writer a ni mek. Mizoram Information Commission-in kum 2015-a, RTI leh Mizote chungchang essay in ziah siak a buatsaihnaah lawmman 1-na pawh a lo tawh. Kum 2015 vek hian a pa in, Kejriwal lehkhabu Swaraj let turin a tih angin, he Swaraj chu a let taa, Kum 2016-ah MC Lalrinthanga’n a publish sak.

An veng College Veng YMA ah pawh kum Executive Member te pawh lo ni tawh a ni. Veng chhung chanchinbu leh kohhran chanchinbu pawh a lo enkawl tawh thin a ni.
Tunah hian MNF Legal Board treasurer a ni a, tin, Mizoram Hindi Board leh Mizo Youtuber Association te tan legal adviser a ni mek.

Politics lamah a pu Thanghuta (L) chu Mizoram underground sorkara senator thin a ni a, tin a pa hi Rualkhuma Hmar (L) chu party MNF Adviser leh MNF Legal Board chairman nihna lo chelh tawh thin a ni.