Jun 15, 2026
Monday
Hun eng emaw chen central hotute dawra Delhi lam a thang hnuin, MNF President Zoramthanga chu vawiin, June 15, 2026 (Thawhtanni) hian Lengpui Airport-ah lo tumin, MNF party hruaituten an lo hmuak.
MNF tarlan danin, Zoramthanga hian June 2, 2026 khan National Security Advisor Ajit Doval chu NSA office-ah hmuin an inkawm a, Myanmar leh Bangladesh chungchangte an sawi dun.
June 12 khan Union Home Minister, Amit Shah nen inkawmin NDA conclave an thlirlet a, India Sorkarin Independence kum 100–na a lawmna kal zel te, kum 2027-ah India chu developed counctry a nih theihna tura road map siam ‘Viksit Bharat’ chungchang te, ram chhung leh pawn politics bakah thil pawimawh hrang hrangte an sawi dun.
Zoramthanga hi Lengpui Airport-ah MNF Senior Vice President Dr.R.Lalthangliana, MLA, MLA Ramthanmawia, MLA Prova Chakma leh MNF General Headquarters atangin mi eng emaw zat leh MNYF hruaituten an lo hmuak a, chawimawina parthi an lo awrhtir.
