Jun 01, 2026
Monday
May 31, 2026 (Pathianni) khan Saitual DEF Special Team-te chuan morphine kg 6.683 leh heroin sahbawn case 1 an man.
Saitual DEF Special Team-te chuan motor Ashok Leyland (golden brown) registration No. AS 01 JC-9512, Raju Giri (32) s/o Dambar BarGiri khalh, Manipur kalkawng atanga Aizawl pan chu rinhlehna avangin Keifang khaw daiah an tiding a ni.
Uluk taka motor hi endik a nih hnuah driver thutna sira kaw siam chawpah morphine nia rinhlelh packet 13, kg 6.683, ₹6,68,30,000 man hu hmuh chhuah a ni a, hei bakah hian heroin gram 12, ₹2,40,000 man hu hmuh chuah tel a ni.
Heng an thil mante hi thuhretute awm laiin 1. Raju Giri (32) s/o Dambar Bar Giri of Bokajan CF, Karbi Anglong, Assam. 2. Karnamani Das (26) s/o Kanu Das of Misamari, Nutun Bazar, Nagaon, Assam. 3. Ganesh Das (40) S/o Subodh Das of Lal Ganesh, Banik Para, Kamrup Metro, Assam te kut atangin an man.
