Nov 08, 2025
Saturday
Nizan (7.11.2025) dar 6:30 vel khan Lalmuanzova (45), BSUP, Edenthar Venga cheng chu Sairang road, Hunthar Vengah tank lorry-in a chil vangin a thi.
Edenthar Veng atanga Bengvarna thudawn danin, Lalmuanzova hi
a fapa kum 6 nen scooty (scooter) in an inphur a, Hunthar Venga leitlahniam pelhah an hmaa tlan pick up ding chuan a kawngkhar a hawng thut chu an su a, an tlu a ni. Tank lorry rawn chho hnamdang khalh chuan Lalmuanzova hi a rawn chil a, a fapa pawhin hkiam a tuar.
Lalmuanzova hi damdawi in panpui vat nimah se, chhan theih a ni tawh lo. A fapa hi damdawi inah awmin, ngaihtuahawm erawh a ni lo nia hriat a ni. Lalmuanzova ruang hi postmortem a nih hnuah an khua Zohmun an panpui.
Tank lorry khalhtu leh pick-up khalhtu hi police-in thuzawhfiah atan an la.
