News

Nimin (12.12.2025) khan Lok Sabha MP Richard Vanlalhmangaiha chuan Union Minister for Culture and Tourism Gejendra Singh Shekhawat, Minister chu a office-ah len chilhin an inkawm a, Mizoramah Tagore Cultural Complexes (TCCs) din a nih ngei theihna atana hmalak dan tur an sawi dun.

Union Minister hian Tagore Cultural Complex hi state dangahte din a lo ni nual tawh a, an tangkaipui hlawm tak zet thu Mizoram MP hi a lo hrilh a, Mizoramah pawh din ve ngei a nih theihna tura hmalakpui a lo tiam.

MP Richard-a hian Mizorama Culture and Tourism Department hnuaia hmasawnna ruhrel hrang hrang kalpui mekte tihhlawhtlin a nih vat theih nan chak leh zual zawka hma la turin a ngen nghal.

Union Minister pawhin project hrang hrang awmsate pawh a rang lama lo bawhzui a nih tur thu a hrilh.