News

MPCC chuan vawiin (8.5.2026) hian an office-ah chhung inkhawm an hmang a, AMC inthlan neih zawh taka corporator atana thlan tlin Dr. Lalmalsawma Nghaka chawimawina an hlan.

Corporator thlan thar Dr. Lalmalsawma Nghaka chuan thu sawiin, “Kan hotuten kei tehlul AMC inthlana ka tling min lawmpui hi ka lawm em em a ni. AMC inthlanah khan kan party kan che tha tawk loa, keinin sang tak thlen tum mah ila, Pathianin hun a la ti lo a ni ang. Ka va din vena ah pawh minister rualin house to house nen nasa takin an bei a, chuti chung chuan kan hlawhtling thei a, a lawmawm hle,” a ti.

MPCC Treasurer chuan MUHCS chungchang sawiin, “Vawina an sawi vul chuk MUCHS hi mite berte bam phak loh a ni tih a chiang, a chhan chu kohhranten an ti thei lo mi tamtak an tihsak a ngai hi a ni. Kohhran chet ngai hial khawp a mipuite banphak a ni lo hi a vanduaithlak,” tiin India hmarchhak state dangte chuan mipui banphak health care an nei a, a tam zawkah chuan a thlawn a nih thu a sawi.

Dr. Lalmalsawma chuan mipuite hi barhluih kan nia a hriat thu sawiin, “Mipui harsa tak takte banphak nise ka duh hle. Congress kan sawrkar lai khan cheng 500 chauh in health care a tih theih a, thenkhat tan chuan a free a ni. Kum 2023 inthlanpui ah khan kan Manifesto ah khan a free in Health Care nuaih 15 thleng kan nei a, 2028 ah hian kan sawrkar chuan a free in kan kalpui dawn a ni tih vawiinah hian ka sawi duh a ni,” a ti.