News

Mizoram Public Service Commission (MPSC) chuan Mizoram Sawrkar hnuaia thawk tur, Junior Grade of MES (Combined Competitive) Examination 2025 Final Result chu May 13, 2026 khan an tih chhuah thu tarlangin, “Mizoram Sawrkarah recommendation thehluh tum a nihlai mekin thil hriat sual palh liau liau avangin Electrical Engineering (under P&E Department) post 7 atana recommendation siam turah post 8 tur ang zawkin result tih chhuah palh a ni,” a ti.

Thil thleng chu pawi an tih thu tarlangin MPSC chuan, “Mizoram Sawrkar chungah te, Mizoram mipui hnenah leh a bik takin a tuartu (victim) chungah ngaihdam kan dil a ni. Kan duh vang ni miah lova mi rilru kan tih nat avangin thilin a nghawng zawng zawngte lakah hriatthiamna a dilin thupha a chawi takmeuh a ni. Hemi avang hian ni 13.05.2026 a Final Result a tih chhuah tawh chu a ennawn a, a siam that (recast) a lo țul ta,” tiin result siam thatna (final Result thar) tihchhuah a nih veleh chu chuan ni 13.05.2026-a final result tarchhuah tawh chu a thiat/sut nghal dawn thu an tarlang.