Jun 22, 2026
Monday
June 18 leh 19, 2026 khan Legal Metrology Enforcement chuan Aizawla dawr 13 an endik a, mineral water bottle “SURE” tih hmingpu chu an hralh to avangin bur 672 an man.
Water bottle ₹ 8/- man chu ₹ 10/-, ₹ 15/- man chu ₹ 20/- in sumdawngte hian an zuar a, Rule 18 (2) of the Legal Metrology (Packaged Commodities)Rules, 2011 a kalh avangin thubuai siamsak niin, dan anga hrem zui tur an ni ang.
Heng mineral bottle te hi Reliance Consumer Products Limited, Mumbai, Maharastra siam lakluh an ni hlawm.
Legal Metrology chuan thuchhuah siamin India ram chhungah thil fun (packaged item) chi reng reng a hralh theihna sang ber (Maximum Retail Price) aia sanga hralh hi phal a ni loa, dan bawhchhia an awm a nih chuan Office of the Controller of Legal Metrology, MINECO, Khatla ah emaw District office hrang hrangah report theih reng an ni.
