Jun 09, 2026
Tuesday
Mizoram State Project Monitoring Committee (MSPMC) chuan vawiin (9.6.2026) hian Directorate of Economics & Statistics Building thawmthat hna thawh mek an endik.
I&PR Department tarlan danin, he hna hi kum 2014 a NECS-in ‘turnkey basis’ a an thawh tawh, ban leh beam-te specification tling lo avanga chak lo thawm that hna thawh mek a ni. Tunah hian SASCI 2024-25 sum cheng vbc. 2.07 sengin thawm that hna ‘retro-fitting’ thawh mek a ni. He retro-fitting’ hna hi Mizoram PWD-ten enkawlin contractor chu CB Engineering, Venghlui, Aizawl an ni.
He hna hi thla 12 chhunga thawk zo turin agreement ziah a ni. MSPMC team-ten an endik lai hian hna 75% thawh zawh a ni tawh. Contractor hnena pawisa pek tawh chu cheng nuai 100 vel a ni. He hna hi a hmunin a zir loh avangin a tira huntiam chhunga zawh hman a ni dawn lo a, September 9, 2026 hma ngeia zawh tum a ni.
