News

Mizo Students’ Union(MSU) General Headquarters, Aizawl hruaitute chuan college zitirtu qualified lo te chungchangah tukin (17.2.2026) khan Higher & Technical Education Minister Dr. Vanlalthlana chu a chenna inah an kawm.

MSU hruaitute hian nikum lam aṭanga hma an lo lak tawhna; zirlai ṭhahnem tak nena college zirtirtu qualify lote ban an nih theih nana kawng hial zawh a, hma an lakna kalzelah High Court-in a stay order a chuah avanga tun thlenga qualify lo ten zirtirna an la pe chu pawi an tih thu an sawi.

Heng zirtirtu qualify lote hi an contract period February 28, 2026-a tawp tawh turah extend a nih tawh loh tur thu notification tih chhuah chu lawmawm an tih thu H&TE Minister hi hrilhin, qualify lo chunga college zirtirtu nih tum tlat chu thil zahthlak a nih thu leh heng unqualified asst.
professor-te pawh hi zirlaite hmangaihna vangin harsatna siam loa tawp zui ngam turin an chah.