News

Mizoram Sawrkar chuan MUHCS 2.0 chungchangah thuchhuah a siam a, MUHCS 2.0 hmang turin sawrkar hnathawk leh mipui nawlpui tan MUHCS Card neih hmasak a ngaih thu tarlan a ni.

MUHCS 2.0 chu April 1, 2026 atangin hman tan a nih thu tarlangin, “Govt employees/PE leh general beneficiaries (mipui nawlpui man chawia inziak lut) te chuan MUHCS hmang turin MUHCS card an neih hmasak ngei a ngai CSS/GIA, Pensioner leh AB PM-JAY (Golden Card) hmang thei tan erawh tun dinhmunah MUHCS Card hi siam a la ngai lo thung. CSS/GIA leh pensioner tan MUHCS subscription form hmangin MUHCS hnuaiah enkawlna an dawng thei a, AB PM-JAY chhungkua tan golden card hmangin MUHCS hnuaiah enkawlna a dawn theih,” a ti.

Sorkar tarlan danin, MUHCS card hi Common Service Centre (CSC) hnenah emaw damdawi in luh rualin empanelled damdawi inah siam theih a ni a, muhcs.mizoram.gov.in ah mahni paawhin a siam mai theih. MUHCS Card hi siam hun bituk a awm lo a, mahni remchan dana siam mai theih a ni.