MUHCS hi MNF hunlaia duan &#8211; MNF GS

MNF chuan nimin (20.3.2026) khan an office-ah chhung inkhawm an hmang a, thusawitu MNF General Secretary R Rohmingliana, MLA chuan Mizoram Universal Health Care Scheme (MUHCS) chu MNF hunlaia duan ang diak diak deuhthaw a nih thu a sawi.

R Rohmingliana chuan
MUHCS chu MNF Sorkar hunlaia duan kha a nih thu sawiin, “September 26, 2023 khan notification tihchhuah a lo ni tawh. Mizoram Universal Health Coverage Scheme (MUHCS) tia vuahin, April 1, 2024 aṭanga hman ṭan tura tih a ni. Hetah hian cashless a nih tur thu te, nuai 5 thleng chhungkaw khatin bill theih a nih tur thu te, sorkar hnathawkten an thawh ve turte thlenga tarlan a ni. Thailand-a Health Minister hova an han zir pawh khan thil thar an han hmuchhuak vak lo a nih hmel a, MNF duan ang diak diak deuh thawin an hmang a ni,” a ti.

MNF General Secretary chuan, “Lengpui ram hralh chungchanga CBI concent an pekna lehkha hi a complain-tu hnenah a copy pek ve a ni lo. Chu bakah a complain-tu Pu Lalpianfela Chawngthu-in a complain-na no 12-naah Chief Minister leh Revenue Minister inrawlhna a tarlan chu CBI consent lehkhaah hian tarlan a ni lo,” tiin CBI consent an pekna hi hei aia chiangkuang zawk ni thei se a ṭhat thu a sawi.