News

Central Young Lai Association (CYLA) chuan vawiin (17.2.2026) hian thuchhuah siamin, Lalramsanga, Lawngtlai AOC Venga cheng Salachhuah, Myanmar-a a tualthih chungchangah District Magistrate, Lawngtlai thuchhuak angin Lawngtlai District atanga Myanmar border-te khar vek a nih thu tarlangin, “Hemi bawhzui hian CYLA pawhin thu leh awm hma chu Myanmar lama bungraw phurhluh hi a khap tlat a ni,” an ti.

Lalramsanga thihna hi pawi an tih thu tarlangin, “Chutih rualin Myanmar-a sumdawnga kal thinte leh lirthei neitute pawh fimkhur turin kan inhriat nawntir leh a ni. Tin, chetsualna a thlen loh nan driver-te pawh fimkhur tur leh lirthei chak tak taka khawkar kawnga khalh lo turin kan inngen a ni. Lalramsanga thihna chungchangah hian reoprt ngaihchan mek a nih avangin mipuite CYLA thuchhuak ngaichang turin kan inngen bawk,” tiin thu leh awm hma chuan Myanmar lama bungraw phurluh tum buai lo turin lirthei neitute an hriattir.