MZP-in an office-ah leng turin sawm

Mizo Zirlai Pawl (MZP) General Headquarters, Emergency Executive Committee vawiin August 4, 2026 (Thawhlehni) a thukhawm chuan, Mizoram Public Service Commission (MPSC) hnalak chungchanga Mizo thalai hnazawng mekten a harsatna an tawh hrang hrang chungchang an ngaihtuah.

Meeting chuan, Mizorama hna latu lian ber MPSC hnalak chungchangah thalaiten harsatna an tawh hrang hrangte chu ngun takin a ngaituah a, tunhnaia an chetsualna hrang hrang avangin Mizoram thalai hna zawng mekte’n MPSC-ah rinna an nghah ngam loh phah mai dawn avangin, MPSC hi thuamchak anih theih nan leh a thawktu lak belh an nih theih nan hmalakna neih nise tiin a rel.

One Time Registration (OTR) avanga buaina tawk leh MPSC hnalak avanga harsatna tawk zawng zawngte chu naktuk chawhma dar 11-ah, MZP Pisa Pui, Treasury Square-ah leng turin an sawm a, hmalak chhunzawm dan tur sawiho nise tih a ni.

MZP chuan theihtawp chhuahin MPSC hnalak avanga buaina tawkte chu a ngaihven in a buaipui reng tih tarlangin, “OTR avanga hna diltu thalai tam tak harsatna tawkte chungchchangah OTR avanga reject te, written exam fel vek tawh a hnua OTR fel loh avanga reject awm leh thinte chu pawi a ti takzet. MPSC fel fai leh tha zawk kan neih theih nan a hmalak dan tur sawiho leh ngaihtuahna turah hian kal vek turin kan sawm a ni,” an ti.