MZP-in circular an ti chhuak

Mizo Zirlai Pawl (MZP) General Headquarters, Aizawl chuan hnamdang petrol pump enkawl leh hnamdangte thawhna petrol pump-te chu September 17, 2026 atanga khar tura an hriattir chungchangah circular an ti chhuak.

Mizoram chhungah ngei hnamdang (vai) thlavang hauh a hmalakna awm chungchangah thuchhuah an siam tih tarlangin MZP chuan, “He thil thleng chungchanga hmalakna hmasa ber atan, September 17, 2026 hian MZP Headquarters, Sub Headquarters, Branch leh Hnampual Zirlai Pawla kan thawhpui zawng zawngte’n, mahni huam chhunga hnamdang (vai) enkawl petrol pump zawng zawng khar vek turin MZP chuan a hriattir a ni. Petrol pump inkhar zawng zawngte lo chhinchhiah vek turin kan in hriattir a, a neitu hming leh hnamdang (vai) an thawhpui hming lo hre vek turin kan in ngen a ni,” an ti.

Tarlan tawh angin MZP chuan, MZP chuan hnamdang petrol pump enkawl leh hnamdangte thawhna petrol pump-te chu September 17, 2026 atanga khar turin an hriattir a, Mizoram chhunga hnamdang Mizo hming hawha sumdawng leh hnamdang sumdawng an rawn pung an vei takzet thu an tarlang.

MZP-in district hrang hranga petrol pump an tarlante – Aizawlah 35, Lungleiah 9, Siahaah 2, Champhaiah 11, Kolasibah 15, Serchhipah 8, Khawzawlah 3, Lawngtlaiah 7, Mamitah 6, Saitualah 5 leh Hnahthialah 2 a awm.