MZP-in hnamdang chhiarpui an nei

Mizo Zirlai Pawl (MZP) Headquarters Hnahthial chuan tukin (2.5.2026) khan an office-ah Hnahthial khawpui chhunga hnamdang (vai) awm zawng zawng te chhiarpui neiin an ko khawm.

MZP Headquarters, Hnahthial Executive Committee Meeting 2026-2028 term-a vawi khatnain alo rel tawh bawhzuiin MZP chuan Hnahthial khawpui chhunga hnamdang (vai) awm zawng zawngte chhiarpui an nei a, he hunah hian hnam dang (vai) mi 105 te chu chhinchhiah an ni.

Chhiarpui nei pah hian MZP chuan hnamdang (vai) te Inner Line Permit (ILP) an endik nghal a, ILP chu nei ngei ngei tur leh dan ang taka hna thawk tur te, Mizote nena ṭha taka thawhhona nei tur leh midangte tana hnawksaka awm lo turin MZP chuan an chah.

Tin, MZP chuan tun hnaia Mizo hmeichhe chunga mawi lo taka hnamdang chet dan chu an hriat thu leh ṭha lo an tih thu sawiin, Mizo hmeichhiate lakah MZP chu a thikthu a chhe zel dawn a ni tih an hrilh a, hetiang thil hi MZP in a hre leh a nih chuan na takin action a lak tawh dawn thu an sawi.

MZP chuan hnamdang sponsor-tute pawh dan dik takin an thawk em tih leh an ILP validity chu ngaipawimawh zual turin an chah nghal.