Jul 29, 2026
Wednesday
Mizo Zirlai Pawl (MZP) chuan Mizoram Government Adhoc Aided High School Teachers’ Association (MIGAHTA) tena an school provincialised tura an nawrhna chu zirlaite zirna-ah nghawng tha lo a neih theih avangin an ngai thutak hle tih an tarlang.
MZP tarlan danin, zirlaite hmakhua hriltu leh zirlaite khawih thil a nih avangin MZP chuan palai hna an thawk a, a changtu Minister Dr Vanlalthlana chu vawiin (29.7.2026) khan MZP Pisa Pui-ah lo lengin, MIGAHTA-te thil ngiat leh an nawrhna chungchang am sawipui a ni.
Vawiin vek, chawhnu dar 3:00 khan hemi chungchangah tho hian Adviser to CM (Political) Lalmuanpuia Punte, MLA hoin Mizoram Government Adhoc Aided High School Teachers’ Association leh MZP te chuan MIGAHTA-te harsatna tawh leh an thil phutte sawihona an nei leh.
MZP chuan hemi chungchangah MIGAHTA leh sawrkar lam chu an inbiak fel vat theih an beisei. Zirlaite zirnain a tawrh lohna turin MIGAHTA leh sawrkarte inbiakna-ah palai hna thawkin, a theih ang angin hma a la chhunzawm zel dawn a ni.
