News

North Vanlaiphai Welfare, Aizawl chuan thuchhuah siamin, Richard Lalhmingliana (27), N Vanlaiphai khua vanduaithlak taka January 26, 2026 zing lama a thih chungchangah
kutthlaktu nia rinhlelh H. Lalruatmawia, Chanmari West chu Mizoram Police-ten rang taka an man nghal thei lawmawm an ti hle tih tarlangin, “He pawikhawihna leh thihna chungchang pawh hi chak taka an chhui chhuah thuai kan beisei a, kutthlaktu hian a phu tawk hremna a hmuh ngei kan phut a ni,” an ti.

Video footage-a kutthlaktu chet dan enin pawisak nei lo, nunrawng taka chetna nia an ngaih thu tarlangin N Vanlaiphai Welfare, Aizawl chuan, “Hetiang mi hi mi dangte tan pawha mi hlauhawm niin a lang. Chuvangin, hetianga tharum thawhna rapthlak tak hi a thlen tawh lohna turin kutthlaktu hi dan hmanga hrem ngei ni se kan duh tak zet a ni,” tiin Richard Lalhmingliana kal san tak a chhungte an tawrhpui tak zet a, an tawrhnate Pathianin a chhawk zangkhai ngei an duhsak tih an tarlang.