Dec 11, 2025
Thursday
Nizan (10.12.2025) a YMA Kumpuan hawn zawhah Central YMA hruaitute chuan Samlukhai naupang kumtling lo hnamdang (vai) pakhatin hruaibo a tum thu an dawng a ni.
CYMA hruaitute chu Kulikawn Police Station-a duty-te nen hian tlan phei nghalin chanchin an ngaihven a ni. He vaipa hi a motor Aibawkah chhiain, Aibawk khawtlang hruaitu duty-ten an lo man a, anni hian police an ko nghal.
Aizawl SP leh Addl.SP kaihhruaina hnuaiah police-ten rang takin Aibawk khawtlang duty-te kut atangin pawikhawihtu hi an va man ta a ni.
He pawikhawihnaah hian naupang kumtling lo an tel avangin dan anga hmalakna chak zawka a kal theih nan vaipa hi Aizawl Police Station lamah hruai phei leh a ni.
CYMA atanga thudawn danin, vaipa hi Aizawla mi hnuaia hnathawk awm niin, tun tum hi naupang hruaibo a tum vawi hnihna nia hriat a ni.
