Feb 13, 2026
Friday
Hmeichhe naupang kum tling lo khuaikhemtu-a puh Thawmliana (30), Falam District, Myanmar chu Champhai Police-in an man.
Thu dawn danin, Myanmar atanga Champhai Kanan Venga rawn raltlan Thawmliana hian January 18, 2026 khan hmeichhe naupang kum 9 mi chu a nau nen thirsakawr an khalh lai thil lei tura thlemin a hruai hrang a ni.
Miin chungah hruaiin hursualna lam hawiin a khawsakpui a, hei hi hmeichhe naupang thiannu chuan lo hmuin, a thiannu pawh hi hursualna lam hawiin a khawsakpui. Hemi hnu hian hmeichhe naupang kum 9 mi hi hruai hrang lehin, pawngsual a tum a, naupang hi tlanchhuakin a insa seng a ni.
He thil thleng chungchangah hian hmeichhe naupang nuin Champhai Police Station-ah thubuai theh lutin, pawikhawihtu-a puh Thawmliana chu man niin, thubuai pahnih siamsak a ni a, jail-ah dah a ni tawh.
He thil thleng chunghchangah hian Champhai Kanan Veng VC leh tlawmngai pawl hrang hrang chuan thuchhuah intawm siamin, pawngsual tumtu chu a phu tawk hremna pe turin thuneitute an ngen a, an veng chhung inkaihhruaina dan zawm loa a ruk a rala Thawmliana lo mikhualtu Mangliankara te chhungkua chu an veng chhuahsan turin an hriattir nghal a ni.
