Feb 21, 2026
Saturday
Vawiin (21.2.2026) tlai khan Thenzawl Vengthar naupang pathum chu dilah an tla hlum.
Bengvarna thudawn danin, dila tlahlumte hi H Lalhriattluanga (9) s/o H Laldawngliana, Lalmuansanga (9) s/o Lalthangpuia (L) leh C Lalbiakhlua (7) s/o Lalfakzualte an ni. An tlak hlumna hi Thenzawl huam chhung dilah a ni.
An thian paliin, an leng chhuak a, an haw lawk loh avangin a chhungten an ngaihven a ni. An thianpa pakhat hi chu a haw a, an zawh chianin dilah an kal thu a sawi a, dila an chhungte an kal chuan dil kamah siliper hmuin, tui thiamten dar 5:30 – 6 inkar vel khan ruang pathum hi an la chhuak..
An ruang hi zaninah Bengkhuaia Hall-ah tlaivarpui tur niin, naktukah an chenna in theuhah dar zat inangah vui an ni ang.
