Neihloh khaw sawn tum sawiho

Vawiin (22.1.2026) tlai khan Chief Minister hoin CM Conference Hall-ah January 2026: Vawiin khan Chief Minister hovin CM Conference Hall-ah Thenzawl Peace City Master Plan huam chhung atanga AH & Vety hmunhma Neihloh khaw thar tura sawn chungchang sawiho a ni.

Sorkar thuchhuah tarlan danin, Thenzawl Master Plan hi IPE Global ten an siam mek a, sorkar chuan Peace City behchhan hian SASCI atanga incentive cheng vbc. 150 hmuh tumin proposal an siam mek bawk. Proposal hi Peace City laili ni zui tura ngaih tuna AH & Vety leh Fisheries Department hmunhma vel hi a ni.

Neihloh khua hi a awmna leilung a him loh avangin kum tam tak buaina an lo tawk tawh a ni. Khawtlang mipuiten an khaw ram chhungah vek insawn an dil angin sorkar chuan ruahmanna a siam. Hmalakna pawh thui tak kalpui a ni tawh a ni. An khaw thar tur atanga hla vak lovah hian AH & Vety hmunhma hi sawn mai chi a ni ang em tih thu vawiin hian sawiho a ni.

Sawihonaah hian K. Sapdanga, UD&PA Minister; Vanlalhlana, PWD Minister; C. Lalsawivunga, AH & Vety Minister; Lalnghinglova Hmar, Tourism Minister leh official pawimawhte an tel.