News

MNF chuan thuchhuah siamin, vawiin (4.8.2026) hian Mizo National Front thuneitu sang, National Core Committee, Political Affairs Committee leh MNF MLA-te chu
Law College zirlaite hmaa ni 31.7.2026-a Chief Minister Lalduhoma thusawi Vanglaini chanchinbu a lo chhuak chungchang thlirir an thukhawm tih an tarlang.

An tarlan danin, meeting chuan Chief Minister Lalduhoma hian remna thuthlung leh Inner Line Permit chungchangah thudik lo tak, kan ram leh hnam leh sakhaw tana him lo sawiin, hnam pawikhawihna leh hnam himna tiderthawnga a sawi avangin mipuite hnenah ngaihdam dil ngei tur leh a thusawi August 15, 2026 hmaa sut ngei turin an phut.

A thusawi hi MNF chuan pawi a tiin, a la thutak takzet a, lungchhiatthlak a tiin, a tul anga hmalak chhunzawm zela, total bandh neih thlengin ruahmanna an siam. Hemi chungchangah hian ni 6.8.2026 (12:00noon) hian MNF President-in press mite hmaah thupuan a nei dawn a ni.