News

Lawngtlai District NGO Coordination Committee chuan nimin (6.12.2025) khan LADC inthlan neih zawh takacandidate-te chu CYLA pisaah an kawm a; sorkar ngelnghet a pian ngei an duhthu an hrilh.

Lawngtlai NGOCC Chairman F Lalrothanga, CYLA President chuan, LADC inthlana vote tlate December 9, 2025-ah chhiar a ni dawn tih sawiin, “Rei lo teah sorkar thar a piang dawn. Party mala sorkar emaw, thawh dunna leh thawhhona a\anga sorkar siam pawh ni se, ram mipuiten sorkar ngêlnghet kan mamawh,” tiin result hriat hmain ram leh mipui dinhmun ngun taka thlir turin MDC candidate-te a ngen.

NGO Coordination Committee leh candidate-te inkawmnaah hian, sorkar indin dan emaw, sorkar kal danah emaw mipui mit tikham zawnga chêtna a awm a nih chuan NGOCC-in hma an lak tur thu sawilan a ni.