NHIDCL hnathawh thlirho

Vawiin (22.6.2026) hian Chief Minister Lalduhoma chuan CM Conference Hall-ah NHIDCL MD Dr. Krishan Kumar chu Mizorama NHIDCL hnathawh hrang hrangte review meeting a neihpui.

Chief Minister hi PWD Minister Vanlalhlana, Forest Minister Lalthansanga leh adviser to CM pathum – TBC Lalvenchhunga, H Ginzalala leh Dr. Lorrain Lalpekliana Chinzah leh official pawimawhte’n an tawiawm.

Meeting-a sawilante :

1.Aizawl – Thenzawl Road National Highway-a siam tura DPR siamtu tur zawn mek a ni. Tender hi tun thla tawpah hawn a ni ang. Dr. Krishan Kumar hian, alignment hi kumina peih fel kan lo tum ang a, nakkumah sanction neih hman kan lo tum dawn nia, a ti.

2.Seling – Tipaimukh National Highway-a Tuirini lei leh Tuivai lei chu a rang lama siamthat a tul thu Chief Minister hian a sawi. Permanent bridge siam tura hun eng emaw chen a mamawh rih dawn avangin, tuna bridge awmsa hi a ranglama thuam that phawt ni se, an ti.

3.NH 6, Vairengte – Sairang kawngpui repair and maintenance chungchang an sawi. Khamrang to Sairang siam that hna hi an thawk zo tawh a, Kolasib lam section pawh an thawh zel thu an sawilang. Nikum lama harsatna ang kha kuminah chuan a thleng lo tura ngaih a ni.

4.NH Tlabung – Kawrpuichhuah hi NHIDCL kuta dah tawh tur a ni. Tihfel thuai ni se, an ti.

5.Four Lane National Highway Vairengte – Sairang/Aizawl hnathawh meka harsatna hrang hrang te, Aizawl – Tlabung NH thawh mekte an sawi. Harsatnate chu a rang lama chinfel dan tur an sawi nghal a ni.

6.Thingfal khuaa biak in chim leh sikul sawn ngaite sak thatna tur DC Lunglei-in proposal a thehluh chu Dr. Krishan Kumar hian a lo enchian tur thu Chief Minister hi a hrilh.

7.National Highway laih tharin a hèl, National Highway hlui lo ni ta hmun thenkhat NHIDCL lamin one time improvement an tih hnua state PWD hnena hlan tur chungchang an sawi. NHIDCL lamin one time improvement a lo tih tawhte chu state sorkara hlan an ni ang a. A la tih loh te chu NHIDCL hian an thawk phawt ang a, state sorkarah a hlan ang.

8.Heng bakah hian hna an thawhna lama NHIDCL in harsatna an tawhte pawh an sawi a ni.