Mar 10, 2026
Tuesday
March 9, 2026 zan khan CADS leh Excise & Narcotics Department tangdun chuan heroin (No. 4) hawng hnih an man.
Thudawn danin, CADS leh Excise-te hi Bethlehem Venga an awm laiin an man than scooty a inphur pahnih an nangching a. Heng mite hi an kalna tur zawtin, an remtihna ngeiin an phone-te an ensak hnuah heroin hawng khat lak an tum tih hriat a ni a.
Ruihhlo hi Bethlehem Vengthlang lama la tura an inbiak hmasak avangin, CADS member pakhat leh an mi mante zinga pakhat zawk chu he veng pan hian an kal nghal a ni. Amaherawhchu, Bethlehem Vengthlang an thlen hnuah ruihhlo hi Bethlehem Veng a UPC Mual lamah lak a ngaih thu hriat leh a ni a, hmanhmawh takin chu lam chu an pan leh ta a ni.
Bethlehem Veng a UPC Mual tuikhur bul a ruihhlo an inpe tur tak chu CADS leh Excise-ten nangching in, heroin hawng hnih an man ta a ni. Ruihhlo lo aktu Khawlgelching (22) leh a pasal Tuandeipiang (23) s/o Paukhanthang, Chikha, Tawnzang District (Myanmar) mi ni a insawite chu Narcotic Drugs & Psychotropic Substance Act hmanga thubuai siamsak an ni.
