Feb 28, 2026
Saturday
Lawngtlai District Police-te chuan ni 25.2.2026 khan Rulkual khua, Lawngtlai District chhung ramhnuaiah opium chinna hmun an hmu chhuak a, a kaihhnawihah mi pahnih an man.
Police atanga Bengvarna thudawn danin, Lawngtlai Police-te hian ni 23.2.2026 Tuiphal Lui bulah mi tu tih hriat lohte’n opium an ching tih report an dawng a, hei hi an chhuizui nghal a ni. Drone hmangin opium chinna hi a zawng kual a, Tuiphal Lui bul ramhnuai, Rulkual VC ram chhungah opium chinna hi an hmu chhuak a ni.
A hnuah opium chinna hmunah hian an kal a, opium hi sq. feets 50 vela zauah chin a lo ni. A hmunah Lalzoa (48) leh Aung Ling (51), Saizawh East, Lawngtlai District nia inchhal ve vete an man. Thu an zawhfiahna atangin opium hi phalna nei loin an ching tih hriat a ni.
Police-te hiam opium kgs. 38.52 manin, heng zinga kgs. 4.40 chu a sample atan lain, a bak zawng chu an tichhia. Mi pahnih lakah hian ND&PS Act leh Immigration & Foreigner Act hmangin thubuai ziahluh a ni.
