Parliament House-ah thu sawi

Parliament Winter Session neih mekah Rajya Sabha MP K. Vanlalvena chuan vawiin (10.12.2025) chawhma khan thu sawiin, India Constitution hnuaia Income Tax Act section 10(26) in a tarlan angin India ram chhunga tribal hnamte chu Income Tax awl kan nih thu leh hemi a nih avang hian Mizo mipuite chu India Constitution-in chhiah min awl a ni tih House a hrilh.

K Vanlalvena chuan, “Hetiang a nih mek lai hian Mizo mipuite zingah Income Tax Certificate phutna thuchhuah Income Tax Office, Guwahati, Assam atanga hriattirna dawng an awm thin. Mizote hi Income Tax pe ngai lo kan nih avang leh tribal kan nih avangin Income Tax awl kan nihna certificate te, Tribal Certificate te chu Income Tax Official-te hnenah an entir hnuah pawh Income Tax official-te hian an la tihbuai zui fo. Heihi dan kalh a ni. Mizo mipuite tih buaina a ni,” a ti.

MP hian Principal Chief Commissioner of Income Tax Office, Guwahati, Assam hnenah hriattirna pe tur leh a tul dan ang a action la turin Rajya Sabha Chairman a ngen nghal a ni.