Party office hi dawt sawina tur a ni lo

MNF chuan vawiin (23.1.2026) hian an office-ah chhung inkhawm an hmang a, thusawitu Rajya Sabha MP K Vanlalvena party office chu dawt sawina hmun tur a nih loh thu a sawi bakah, Sihphir leh Lengpui Airport chhehvel ram lei chungchang a sawi.

Rajya Sabha MP chuan Sihphir leh Lengpui Airport chhehvel ram hmanhmawh taka lei a nih chungchang sawiin, “India Defence Ministry-in mimal kut atangin ram a lei lo. Mizoram Sorkar kut atangin IAF in ram a lei a ni zawk. India ram bungkhata awm kan nih avangin Central Sorkar hmalakna hrang hrang; railways, kawngpui sial leh a dangah pawh hmalakna a awm dawnin, state sorkarin NOC a pek angai thin. Hei hi thil kalphung a ni,” a ti.

Party office chu dawt sawina hmun tur a ni lo tih sawiin K Vanlalvena chuan, “Thu belhchian dawl lo hmanga mipui rilru hruaisualna hmun tur a ni hek lo. ZPM MLA pakhatin, Sihphir leh Lengpui chhehvel ram lei chungchang sorkarin a hriatpui loa, DC levela tihfel anih thu a sawi kha thudik lo a ni. May 15, 2025 ah sorkarin heng ram Lengpui leh Sihphir amite hi arukin Award for Acquisition a chhuah vek. Chuvangin, ZPM sorkar hian midang a puh thiang lo. Lok Sabha MP nilai hi Parliament Standing Committee on Defence-ah member a nih avangin a hriat ve ngei tur niin a lang ,” tiin Lok Sabha MP hian a hre lo a nih chuan a lungawi loh hle a rinawm thu a sawi.

Rajya Sabha MP chuan sorkar hmalakna hi minister handwriting hmanga ziak a ni ngai lo tih sawiin, “Sorkar officer-te hminga ziak a ni thin. Act 213 hmangin sorkarin ram a lei thin a, dan anga chanchinbua chhuah tur a nih laiin ram neitu diktak ten an hreve miah si lo hi a mak. Thildik lo inphum a awm ngei tih leh dan bawhchhiatna a awm tih a chiang. Thudik hailang turin theihtawp ka chhuah dawn a, a hreturten an hriat ngei theih nan ka aupui dawn. Sorkar chetchhiatnaah hian kan lawm a ni loa, kan kawng Pathianin min ruatsak zel avangin kan lawm a ni, a ti.