Party zalen kan ni &#8211; MNF Vice President

Leader of Opposition Lalchhandama Ralte, MNF Vice President chuan an party chu party zalen an nih thu leh cross vote a lar chhan chu sorkar lai party an buai vang a nih thu a sawi.

Vawiin (18.6.2026) a Rajya Sabha MP inthlana vote a thlak zawha thuthar thehdarhtute zawhna chhangin Leader of Opposition chuan tun tum MP inthlana cross vote a lar chhan chu sorkar lai party chhung buaizia tilangtu a nih thu sawiin, “Tun tumah pawh an in whip na khawp mai. Kan inthlang zo ang a, sorkar lai party chhung buaizia a lang dawn chauhin kan hria. Keini chu normal-in kan kal mai a, tunah pawh a huhoin kan rawn kal. Kan inlungrual tha,” a ti.

Lalchhandama Ralte chuan BJP leh Congress-in an candidate an vote pui loh chungchanga zawhna chhangin, “Congress chuan NDA partner kan nih vangin min vote pui thei loh thu an sawi a, BJP chuan LADC-a Congress nen kan sorkar dun vang an ti. Keini chu party zalen, Delhi lam thua awmve lo kan ni,” tiin an party-in tha an tih anga an kal chu Congress leh BJP-in an hriatthiampui loa an ngaih mai thu a sawi.