Pathian hmaa dinpui tlakin kan thawk &#8211; T Lalhlimpuia

ZPM Southern Hqrs., Lunglei chuan nimin (23.3.2026) khan an office-ah chhung inkhawm an hmang a, thusawitu Lunglei West Bialtu MLA T Lalhlimpuia chuan Pathian hmaa dinpui tlaka hna an thawh thu a sawi.

T Lalhlimpuia chuan Mizoram Assembly Budget Session neih zawh takah ZPM MLA-te tawngkam zawng zawng kha Vanram rim a nam nia a hriat thu sawiin, “Kan chezia kha Pathian duh zawng leh pawmtlak niin ka hria. Chief Minister Pu Lalduhoma kaihhruai sorkar hian ram an enkawlna kawngah Pathian hma a dinpui tlakin hna kan thawk a, mipuite pawhin min thlir niin ka hria,” a ti.

MLA-te chu dan siamtu an nih thu sawiin T Lalhlimpuia chuan, “Chuvangin kan sorkar kal mekah ZPM MLA-te hian tun hun leh hma lam hun lokal tur atana tha tur dan siamin hma kan la. Heng hmalaknate hi rei loteah hman theih a ni dawn a, dan tha awm loh avanga thil tha lo tih awm thin thlak a ni thei,” tiin ZPM Sorkar kum hnih chuang lek chhunga mipui tana sorkarin hma a laknate mipuite leh intellectual person-te’n hmuhpuiin, tha an tih thu a sawi.